Поиск по сайту

 RUS  |   ENG 

Владимир Лившиц
«В ЭТО ГЕТТО ЛЮДИ НЕ ПРИДУТ»

Владимир Лившиц
«ГОРКИ В XVIII СТОЛЕТИИ»

Из книги Владимира Лившица
«ГОРЕЦКАЯ ЕВРЕЙСКАЯ ОБЩИНА: СТРАНИЦЫ ИСТОРИИ»

Воспоминания Фрейдина М.З.

Макс Фрейдин
«НАШИ ПРЕДКИ БЫЛИ ИЗ МЕСТЕЧКА РОМАНОВО».

Ефим Хазан
«ОТЦОВСКОЕ ГНЕЗДО».

Владимир Лившиц
«ДОЛГИЙ ПУТЬ К ПРИЗНАНИЮ».

Воспоминания Р. Алеевой.

А. Литин, И. Шендерович
«ХОМЕНИЧИ».

Владимир Лившиц
«У НЕГО БЫЛО ОЧЕНЬ ДОБРОЕ СЕРДЦЕ…»

Александр Амбрамзон
«РОДОМ ИЗ ГОРОК»

Генрих Иоффе
«СОДРОГАЮСЬ, РАССКАЗЫВАЮ…»

Елена Романовская
«ИЗ МАМИНЫХ РАССКАЗОВ»

Герман Иванов
«СПАСЛА ФАМИЛИЯ ИВАНОВ»

Елена Тейнина
«БОЕЦ ОТРЯДА ЕВРЕЙСКОЙ САМООБОРОНЫ»

Фаина Цырлина
«Я ХОРОШО ПОМНЮ БЫВШИХ ЕВРЕЕВ-ЖИТЕЛЕЙ ГОРОК»

Владимир Лившиц
«ОТ ГРУЗЧИКА – ДО ПРОФЕССОРА»

Алик Ризов, Наталья Панкратова
«ТАК РИСКОВАТЬ СВОЕЙ ЖИЗНЬЮ РАДИ СЕМЬИ МОЖЕТ ТОЛЬКО НАСТОЯЩИЙ МУЖ И ОТЕЦ»

Александр Цофнас
«СЕМЬЯ ЦОФНАС ИЗ БЕЛОРУССКИХ ГОРОК».

Стюарт Шоу
«СЕМЬЯ ШРУГ ИЗ ГОРОДА ГОРКИ».

Наум Данкман
«С ГОРКАМИ У МЕНЯ МНОГО СВЯЗАНО».

Таццяна Караеўская, Людміла Дзеружкова
«ЛЕТАПІСЕЦ ГОРАЦКАГА КРАЮ».

РОЗЫСК РОДСТВЕННИКОВ.

Владимир Лившиц
«На нас светит звезда по имени Разгон»

Владимир Лившиц
«МЫ ПОМНИМ ТЕБЯ, АННА!»

Горки в «Российской еврейской энциклопедии»


ЛЕТАПІСЕЦ ГОРАЦКАГА КРАЮ

Уладзімір Ліўшыц.
Уладзімір Маісеевіч Ліўшыц.

1 лютага 2016 г. споўнілася 70 гадоў вядомаму горацкаму краязнаўцу, пісьменніку і літаратуразнаўцу, сябру Саюза беларускіх пісьменнікаў і Беларускага саюза журналістаў, ганароваму прафесару Беларускай дзяржаўнай сельскагаспадарчай акадэміі, першаму дырэктару Горацкага гісторыка-этнаграфічнага музея Уладзіміру Ліўшыцу.

Нарадзіўся Уладзімір Маісеевіч у горадзе Красны Кут Саратаўскай вобласці, дзе маці з дзецьмі была ў эвакуацыі. Аднак сям’я вярнулася ў Горкі.

Пасля заканчэння школы была вучоба на гістарычным факультэце Магілёўскага педінстытута.

Вывучаючы гісторыю розных краінаў, Уладзімір не забываў пра гісторыю свайго горада, ды і праца ў архівах пад час канікулаў давала магчымасць шукаць матэрыялы з гісторыі Горак.

Пасля армейскай службы Уладзімір едзе не дадому, а ў Кіеў. У Цэнтральным дзяржаўным гістарычным архіве Украіны знаходзіць «Справу аб палітычнай дэманстрацыі ў Горы-Горках 16 студзеня 1905 года», адкрывае новыя, невядомыя раней дакументы аб рэвалюцыйным руху ў Горках.

Ні ў час працы настаўнікам гісторыі ў Панкратаўскай сярэдняй школе ці ў Горацкім раённым аддзеле адукацыі, ні тады, калі працаваў у Беларускай сельскагаспадарчай акадэміі, Уладзімір Маісеевіч не здраджваў сваёй мары стаць краязнаўцам. Ён актыўна вывучаў гісторыю горада і раёна, гісторыю сельскагаспадарчай акадэміі, выступаў з артыкуламі ў друку.

Вынікам стала кніга «Горки. Историко-экономический очерк». Гэта была «першая ластаўка» ў шэрагу публікацыяў па гісторыі Горак. Потым яшчэ былі «Горкі» (1989), «Горки и окрестности. Справочник-путеводитель» (1993), «Летапіс горада Горкі» (1995).

У. Ліўшыц – адзін з аўтараў калектыўнай манаграфіі, што выйшла да 150-годдзя БСГА, аўтар навукова-папулярных кніг пра акадэмію, ініцыятар выдання і аўтар-укладальнік энцыклапедычнай кнігі «Летапіс Беларускай сельскагаспадарчай акадэміі».

Дзякуючы плённай працы Уладзіміра Маісеевіча, яго нястомным краязнаўчым пошукам у Горках у 1989 годзе з’явіўся музей. Стварэнне экспазіцыі пачалося ў верасні 1987 года паводле складзенага Ліўшыцам плана. Ён разам с мастакамі абмяркоўваў стварэнне кожнага стэнда. Сам аддаў у музей усё, што было ім сабранае за гады краязнаўчых пошукаў.

І таму нікога не здзівіла, што якраз Уладзімір Маісеевіч стаў першым дырэктарам раённага гісторыка-этнаграфічнага музея. На гэтай пасадзе яго талент даследчыка-краязнаўцы праявіўся напоўніцу. З дапамогай архіўных дакументаў ён адкрывае новыя старонкі гісторыі Горак і раёна. У Цэнтральным дзяржаўным гістарычным архіве ў Санкт-Пецярбургу знаходзіць герб горада Горкі, вывучае гісторыю партызанскага руху, збірае матэрыялы аб баявых дзеяннях Чырвонай Арміі па вызваленні родных мясцінаў ад нямецка-фашысцкіх акупантаў, папаўняе звесткі аб героях і ахвярах вайны.

У першыя ж гады працы музея яго калектыў працуе над рукапісам кнігі «Памяць», што была надрукаваная ў 1996 годзе. Аб’ёмам кніга гэта з’яўляецца сапраўднай энцыклапедыяй Горак і Горацкага раёна. Больш за 20 артыкулаў для гэтай кнігі было напісана У. Ліўшыцам.

Асобнае месца ў дзейнасці Уладзіміра Маісеевіча займае літаратурнае краязнаўства, якім ён даўно і апантана займаецца.

Па яго прапанове пры музеі пачалі дзейнічаць два аматарскія аб’яднанні «Роднае слова» і «Мастацтва», якія пазней атрымалі званні «народныя». З набыццём аддзелам культуры ліцэнзійнага права на выдавецкую дзейнасць У. Ліўшыц садзейнічаў выданню кніг мясцовых аўтараў і мінскіх паэтаў: Ніны Кавалёвай, Святланы Цярэшка, Аляксандра Клачкова, Сяргея Лоцманава, Таццяны Гісер, Пятра Прыходзькі, Алеся Пісьмянкова.

У. Ліўшыц быў ініцыятарам правядзення Гарэцкіх чытанняў, прысвечаных жыццю і творчасці Максіма Гарэцкага, якія ўпершыню праходзілі ў Беларусі на базе Беларускай сельскагасакадэміі ў 1992 годзе. Дарэчы, па яго ініцыятыве ў навучальным корпусе № 4 быў адкрыты музей-кабінет М. Гарэцкага.

Энтузіязм, шырокія веды гісторыі раёна, горада, акадэміі здабылі Уладзіміру Маісеевічу заслужаны аўтарытэт краязнаўцы. Па дапамогу і параду да яго звяртаюцца калегі, настаўнікі, студэнты і школьнікі. Яму прысылаюць заказы на краязнаўчыя артыкулы з рэдакцыяў, энцыклапедыяў, газет і часопісаў.

Нягледзячы на тое, што з 2007 года Уладзімір Маісеевіч знаходзіцца далёка ад Беларусі (жыве ў Ізраілі), ён не парывае сувязі з роднымі мясцінамі і Горацкім музеем, амаль кожнае лета прыязджае ў Горкі. Свае нарысы ён друкуе ў мясцовых газетах і часопісах, займаецца «літаратурнымі раскопкамі». Актыўна друкуецца на старонках зборніка па выніках раённай краязнаўчай канферэнцыі «Бацькаўшчына», у матэрыялах міжнародных і рэспубліканскіх навуковых канферэнцыях, у рэспубліканскім, абласным і раённым друку.

У 2013 – 2015 гадах У. Ліўшыц апублікаваў серыю кніг «Гордасць і слава зямлі горацкай». Першая кніга была прысвечаная землякам-вучоным, другая – Героям Савецкага Саюза, генералам Узброеных Сіл і Міністэрства унутраных спраў, ураджэнцам горацкага краю, трэцяя – Героям Сацыялістычнай працы і заслужаным работнікам, дзеячам культуры БССР і Рэспублікі Беларусь, а таксама пісьменнікам і мастакам, жыццёвы і творчы шлях якіх пачынаўся ў Горацкім раёне.

Цяпер Уладзімір Маісеевіч працуе над трэцяй часткай кнігі «БСГА: гісторыя і сучаснасць. 1945 – 2015 гг.». Рыхтуе другую кнігу, прысвечаную жыццю і творчасці класіка беларускай літаратуры М. Гарэцкага. Таксама падрыхтаваў біябібліяграфічны паказальнік «Летапісец Горацкага краю», у якім абагульніў сваё жыццё і творчыя здабыткі.

Усе яго пражытыя гады – час улюбёнасці ў свой родны край і яго людзей. Есць у Ліўшыца планы аб выданні цыкла брашураў па гісторыі горацкіх вёсак, стварэнні навучальнага дапаможніка для школаў «Наш край».

Пажадаем юбіляру моцнага здароўя, доўгіх гадоў плённага жыцця, здзяйснення мараў.

Таццяна Караеўская,
старшы навуковы супрацоўнік Горацкага раённага гісторыка-этнаграфічнага музея
Людміла Дзеружкова,
кіраўнік народнага аматарскага аб’яднання «Роднае слова»

Еврейское местечко под Минском


Местечки Могилевской области

МогилевАнтоновкаБацевичиБелыничиБелынковичиБобруйскБыховВерещаки ГлускГоловчинГорки ГорыГродзянкаДарагановоДашковка Дрибин ЖиличиЗавережьеКировскКлимовичиКличев КоноховкаКостюковичиКраснопольеКричевКруглоеКруча Ленино ЛюбоничиМартиновкаМилославичиМолятичиМстиславльНапрасновкаОсиповичи РодняРудковщина РясноСамотевичи СапежинкаСвислочьСелецСлавгородСтаросельеСухариХотимск ЧаусыЧериковЧерневкаШамовоШепелевичиШкловЭсьмоныЯсень

RSS-канал новостей сайта www.shtetle.comRSS-канал новостей сайта www.shtetle.com

© 2009–2017 Центр «Мое местечко»
Перепечатка разрешена ТОЛЬКО интернет изданиям, и ТОЛЬКО с активной ссылкой на сайт «Мое местечко»
Ждем Ваших писем: mishpoha@yandex.ru